“Ислам мемлекеті” Манчестерде болған терактіні жасағанын мойындады
Көптеген елдерде тыйым салынған “Ислам мемлекеті” террорлық ұйымы Манчестердегі теракт үшін жауапкершілікті өз мойнына алды.
22 мамыр күні кешке “Манчестер Аренада” америкалық әнші Ариана Гранденің концерті кезінде жарылыс болды. 22 адам қаза тауып, 59-ы жарақат алған, деп хабарлады Рейтер агенттігі содырлардың мәлімдемесіне сілтеме жасап.
Жарылыстан соң сегіз жасар қыз бен алты жасөспірім із-түссіз жоғалып кеткен. Терактіні жанкешті лаңкес ұйымдастырған, оның кім екені белгілі болды. Манчестер полициясы оның сыбайласын ұстаған. “Манчестер Аренадағы” оқиғаға қатысты айтарымыз, Оңтүстік Манчестерде 23 жастағы ер адамды ұстағанымызды растаймыз”, — делінген полиция мәлімдемесінде.
Тағы да оқыңыз:
Бір жынысты секспен айналысқан екі тұрғынға 85 дүре соғылды
Түркіменстанда баласы ірі көлемде ақшамен ұсталған соң министр өз-өзіне қол жұмсап қайтыс болды
Американың бірінші ханымы күйеуінің ұсынған қолынан ұстамай қойды (видео)