Иракта тура үйлену тойы үстінде жарылыс болды
Иракта автокөлігіне жарылғыш салған террорист оны тура үйлену тойы үстінде іске қосқан.
Бұл туралы Alsumaria телеарнасы хабарлайды.
Жарылыс салдарынан 61 адам қаза тауып, оншақты адам жараланған.
Қайғылы жағдай Эл-Фаллуджа қаласынан 23 шақырым жерде орналасқан елдімекенде болыпты. Бұл аймақты Ирак армиясы ДАИШ содырларынан осы жылдың жазында босатқан еді.
Ал Эл-Фаллуджа қаласының өзінде осындай теракт жақында, 14 қараша күні болды. Екі автокөліктің жарылуы тоғыз адамның өмірін жалмаған. Тағы 26-сы жарақат алыпты.
Оқи отырыңыз:
Талқылау