Желі қолданушылары “Insta-байқау” жеңімпазының даусын Нұрсұлтан Назарбаевқа ұқсатты
Аталған байқаудың жеңімпазы продюсерге видео жіберіп, өзінің ұйымдастырушылар мен дауыс берушілерге деген жылы лебізін білдірді. Видеоны көрген қолданушылар даусын ҚР Елбасының даусына ұқсатып жатыр.
Бұл туралы Stan.kz хабарлайды.
Жеңімпаздың есімі – Бекжан Сәуірбаев. Сәуірбаев продюсерге жолдаған видеосында “Сәлеметсіздерме, мен “Спой точь в точь” сайысының жеңімпазы Сәуірбаев Бекжан Қаймолдаұлымын. Осы сайысты ұйымдастырған Баян Есентаеваға үлкен рахмет және мені қолдаған барша қазақстандықтарға үлкен рахмет…” деп өзінің 180 мың сыйақыны алғанын ғана емес, Елбасымыздың даусын айнытпай сала алатынын дәлелдеді. Мұны желі қолданушылары да байқаған.
Естеріңізге сала кетсек, аталған байқау өткен аптаның басында басталған болатын. Күні кеше продюсер сыйақыны ескі бағаммен табыстайтынын бірден жазғанына қуанған да еді.
Талқылау