Индонезиялықтардың шариғатқа бағынбағандарды жазалау үрдісі жұрттың зәресін алды
Индонезияда шариғат заңын бұзғандарды көпшіліктің алдында жазалап жатыр. Ачех аймағында бірнеше әйел мен ер адамға дүре соғылды. Кінәнің қалай жазаланатынын балалар да өз көздерімен көруде.
Бұл туралы The Daily Mail басылымы хабарлайды.
Шариғат заңын қатаң ұстанатын Ачех аймағында аталған заңды бұзғандар бамбук ағашымен жазаланып жатыр.
Бұл аймақта ешбір айып жазасыз қалмайды.
Тіпті, балалар да дәл осындай қатыгез көріністі көруге мәжбүр.
Әдетте тұрғындар опасыздық жасау, некесіз жыныстық қатынасқа түсу, бір жынысты адамдардың қосылуы сынды мәселелерге қатысты жазаланады.
Аталған аймақ үшін күш қолдану арқылы жазалау үйреншікті әрекетке айналған. Ешкім қарсылық білдірмей, бірден мойынұсынады.
Ачех аймағында басқа мұсылман елдеріне қарағанда, қатаң заң нормалары бар.
Тіпті, көшеде ішімдік ішіп жүрген адам да дәл осылай көпшіліктің алдында масқараланады.
Жазалау үрдісіне дәрігерлер де қатысады. Яғни олар ажалы жақындағандарға көмектесуге әзір тұрады.
Әйелдерге мұндай жағдайда тізерлеп отыруға рұқсат беріледі.
Кейде бұл аймақта опасыздық жасағандар өлім жазасына кесілулері мүмкін.
Мұндай жаза түрі Араб әмірлігі мен Иранда да қолданылады.
Жіберіп алмаңыз:
Жігітін қызғанған бойжеткен оның үстіне күкірт қышқылын құйып комаға түсірді (фото)
Өзбекстан полицейлері кінәсін мойындамаған ер адамның екі аяғын сындырып тастады
Қанат Исламның бокс кешінде өнер көрсететін қазақстандық боксшылар анықталды
Келесі жылы ең төменгі зейнетақы өмір сүру минимумынан екі есеге артады