Илья Ильин Джеймс Бонд стилінде суретке түсті
Танымал қазақстандық ауыр атлет Илья Ильин әйгілі Джеймс Бондтың стилінде суретке түскен. Белгілі брендтің жарнамалық бейнесіне айналған Илья сурет туралы ойымен бөлісті.
Сурет instagram.com/ilyailyin_official
Илья Ильин өзінің Инстаграмдағы парақшасында суретті жариялап, оқырмандарына сауал тастаған. Танымал британиялық із кескіш агент бейнесінде суретке түсу үшін ол қара стилді смокинг киіп, шаш үлгісін де өзгерткен.
“Барлығыңызға қайырлы күн! Менің жаңа Бонд образымды бағалаңыздар!”, – деп жазды олимпиада чемпионы. Ильяның жаңа Бондиандық бейнесі спортшы жанкүйерлерін таңқалдырған. Тіпті желі қолданушылары “Илья Бонд” деп те пікір қалдырған.
Кейбіреулері спортшының түр-тұлғасы “Үлкен жарылыс теориясы” ситкомындағы кейіпкер Шелдон Куперге ұқсайды деп жазыпты.
Талқылау