ШҚО-да иесін бір орыннан тапжылмай күні бойы күткен ит, қатты аязда әзер аман қалды

Сейсенбі, 26 Қаңтар , 2016 13:18

Жануарларды қорғаушылар Өскеменде “Телестудия” аялдамасында иесін күтіп отырған иттің өмірін аман алып қалды. Ит жарты күн бойы иесін күтіп, тапжылмай отырған.

ovcharka20160126

Бұл туралы Шығыс Қазақстан жаңалықтары хабарлайды.

Оқиға 18 қаңтарда таңғы уақытта болған. Куәгерлердің айтуынша, итті ілестірген екі адам автобусқа мінген, алайда келесі аялдамаға келгенде автобус кондукторы итті салоннан түсіріп тастауды талап етеді.

“Жігіттер итпен бірге шығып, оған “күт” деген бұйрық беріп, кетіп қалған. Сосын ит оларды жарты күн бойы күтіп отырған. Бірақ иелері сол беттен қайтып оралмапты. Бізге адамдар хабарласып, “Телестудия” аялдамасында бір иттің барын айтты. Далада аяз болған. Сондықтан мен еріктілерге хабарласып, итті алып кетуін сұрадым”, – дейді “Дворянин” жануарлардың құқығын қорғау қоғамының төрағасы Лариса Прокопьева.

Сөйтсе, ит екі табанын да суықтатып алыпты. “Қазіргі уақытта ол мал дәрігерінің қарауында. Бұл овчарка барлық бұйрықты біледі, тыңдайды, айтқаныңды істейді. Үй жануары екені көрініп тұр. Әзірше иелерінің оны тастап кеткені немесе өздері бір оқиғаға тап болғаны жайлы мәлімет жоқ”, – деді жануарлардың құқығын қорғау қоғамының төрағасы.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
20.08.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар