Иесі кез-келген бақуатты қыздан артық өмір сүретін итіне жылына 3 миллионнан аса ақша жұмсайды (фото)
АҚШ-тың Небраска штатында тұратын Анна Фостер Лекси Бу атты итіне жылына шамамен 7 мың фунт (3 млн теңгеден аса) ақша жұмсайды.
Лекси байдың әйелі немесе қызы сияқты өмір сүреді. Ол күнге қыздырынып, бассейнде шомылып, дүкен аралайды. Және міндетті түрде аптасына бір рет тырнағына күтім жасатып, лакпен бояйды.
Оның гардеробында мыңнан аса киім бар. Оған киімдерді атақты сәнгерлер тапсырыспен тігеді екен.
«Бұрын бізде боксшы тұқымды екі ит болған. Алайда олар өліп қалды. Біз үшін олардың өлімі өте қиын жағдай болды. Мұнан кейін тағы да ит асырап алуды ұйғардық. Біз Лексиге жұмсайтын ақшамызды аямаймыз. Себебі оған біз берген өмір ұнайды», – дейді иттің иесі Анна Фостер.
Анна мен оның күйеуінің екінші иті бар. Алайда олар үшін Лексидің орны бөлек. Ерлі-зайыпты Лексиге ханшайымдай қарағанды ұнатады.
Талқылау