Головкин “Вест Хэм” – “Манчестер Сити” матчын тамашалады

WBA (супер), IBO; IBF және WBS тұжырымы бойынша орта салмақтағы әлем чемпионы Генадий Головкин (34-0) «Вест Хэм Юнайтад» – «Манчестер Сити» матчын тамашалаған.

Ағылшын чемпионатының 23 туры аясында өткен кездесуді Лондондағы «Аптон парк – Болейн Граунд» стадионында 35 345 адам көрді. Матч 2:2 есебімен тең аяқталды. «Вест Хэм» Эннера Валенсиидің арқасында екі мәрте алға шыққанына қарамастан (1, 56) «Манчестер Сити» сұрмергені Серхио Агуэро (9,81) екі гол соғып, есепті теңестіріп кетті.

«Вест хэм» футбол клубы Головкинді сыйлап, құрметтеп, оған 34-0 деген жазумен, арнайы футболка да табыстап, естелік суретке түскен.

Бұдан сәл бұрынырақта, Гена Ұлыбритания астанасына әлемдегі ең ірі телерадио желісі болып есептелетінБи-Би-Си (BBC) телеарнасындағы бір бағдарлама қонақ ретінде қатысу үшін келген болатын.