Гиннестің рекордтар кітабына енген ауыр салмақты адамдардың бүгінгі қал-жағдайы (фото)

Ауыр салмақты адамдардың өмір сүруінің өзі қиынға соғатынын жақсы білеміз. Оларға артық салмақтан арылу үшін, диета ұстаудың өзі оңайға соқпайды. Ал, ауыр салмақты адамдардың ұзақ өмір сүре алмайтыны да белгілі.

Бұған дейін 400 келі болатын ең ауыр салмақты Қолумбия азаматы Оскар Васкес Моралес ауруханаға өрт сөндіру көлігімен жеткізілгенін хабарлаған болатынбыз. Оны көлікке 20 ер адам көтеріп мінгізген еді.

Сурет: Faisal Al Nasser / Reuters

Ал, 2013 жылы әлемдегі ең ауыр салмақты Халида бин Мохсена Шааридің Араб әмірлігінің патшасы Абдулланың бұйрығымен ауруханаға жеткізілген еді. 22 жастағы Халид ол кезде денесін қозғалта алмағандықтан 2 жыл уақыт бойы үйінен шықпаған.

Дәрігерлер оның салмағы 610 келіге жетіп, рекордты көрсеткішке жеткенін айтқан. Оған дейін ондай үлкен салмақта ешкім болмаған. Оның үстіне оның дене массасы да – 204-ті құраған.

Ол екі есе салмаққа, 320 келіге арықтай алды. Сондықтан ол қазір әлемдегі ең ауыр салмақтағы адам емес. Алайда, ол Гиннестің рекордтар кітабына енген.

Техас тұрғыны 35 жастағы Майра Розалес 470 келіден 91 келіге дейін салмақ тастады.

Майра 2008 жылы жиен баласын өлтірді деген күдікпен танылған еді. Алайда, кейіннен оның кінәсі жоқ екені анықталды. Жиенін өз анасы, яғни Майраның әпкесі өлтіргені белгілі болды. Әпкесі баласын тамақ жемегені үшін шашқа арналған щеткамен ұрған екен. Әпкесі 15 жылға бас бостандығынан айырылған соң, Майраға оның балаларын қарау керек болған. Оның осынша салмақ тастауына да осы жайт себепші болған.

Ол бірнеше телешоуларға да қатысты. Бүгінде семіздікті емдейтін арнайы клиникада кеңесші қызметін атқарады.

Әлемдегі ең ауыр салмақтағы жасөспірім Ресейде тұрады. Джамбулат Хатоковтың салмағы 1 жасында 17 келі болған. Ал, бірінші сыныпқа барғанда салмағы 115 келіге жеткен. Қазір салмағы – 226 келі.

Джамбулаттың анасының айтуынша, оның үлкен салмақтылығы тұқымында болған. Оның атасы кезінде сондай алып болып, ел арасына «Батыр» атанып кеткен екен. Ата-анасы баласына диета ұстандырмақ болғанымен, баласы оған көнбепті. Ол өзінің артық салмағына қатысты ешқандай шағым айтпайды екен. Джамбулат 16 жасында деректі фильмдер мен шоуларға қатысты. Жапония мен Ұлыбритания елдеріне шақырылды. Ол болашақта сумо балуаны болып, олимпиадада жеңіске жетуді көздейді.

Ұлыбритания азаматы Пол Мейсон ең ауыр салмақтылар ішіндегі ең егде жастағысы. Ол 56 жаста. Өзінің айтуынша, ол 20 жасынан бастап тола бастаған. Оған бала күніндегі алған жарақаттары себеп. 2010 жылы Пол 444 келі болды. Сондықтан ол асқазанын кішірейту үшін ота жасауға бел байлады.

Сурет: Пол Мейсонның Facebook-тегі жеке парақшасынан

Оның ота жасауына 40 жастағы Ребекка Маунтин себепші болған. Пол 50 келі ғана болатын Ребеккаға тұрмысқа шығу жөнінде ұсыныс жасап, келісімін алған болатын.

Ота жасалған соң 5 жыл өткеннен кейін Пол 120 келіге дейін арықтады. Одан кейін 21 келі артық теріні алып тастау отасын жасату керек болды.

Алайда, 2015 жылы Пол мен Ребекка ажырасатындарын жариялады. Бірақ, қазір достық қатынасты сақтап қалғанға ұқсайды.

Әлемдегі ең көп салмақ тастаған америкалық Джон Брауэр Миннок 630 келі салмақта болған.

Джон 1978 жылы 37 жасында жүрек-тыныс жолдарының ауырлығынан ауруханаға тұскен. Оны ауруханаға жеткізу үшін оннан аса өрт сөндіру құралы керек болған. Ол 419 келі тастап, салмағы 245 келі болды. Бұл ерлер арасындағы ең көп салмақ тастаған рекордты көрсеткіш. Ол 1981 жылы 432 салмақпен қайта аурханаға түсті. Дәрігерлер оның ауруын жазылмас дертке жатқызды. Ақырында Джон 1983 жылы 41 жасында 362 салмақта қайтыс болды. Ол адамзат тарихындағы ең ауыр салмақтағы адам ретіне тізімде әлі бар.