Германияда ер адам кинотеатрға келушілерге оқ жаудырды
Немістің Фирнхайм қаласында белгісіз ер адам кинотеатрға келушілерге оқ жаудырған. Жараланғандардың нақты саны белгісіз.
Бұл туралы РИА Новости хабарлайды.
Шамамен 20 немесе 50 шақты адам жарақат алған болуы мүмкін. Дерек бойынша ер адам Kinopolis кинотеатрына 15:00 шамасында кіріп келіп, қолындағы қарумен оқ атқан. Куәгерлер оның бетперде киіп алғанын айтты.
Атыс бастала салысымен айқай-шу болып, келушілердің барлығы сыртқа қашқан. Ер адамның өзі полиция қоршауға алған ғимараттан қашып кеткен. Соңғы мәліметтер бойынша, тәртіп сақшылары арнайы операцияның арқасында ер адамның көзін жойған.
Талқылау