Германияда босқындар қонақүйлерге орналастырылатын болды
Германия билігі орын тапшылығына байланысты босқындарды қонақүйге орналастыратын болды. Ел шенеуніктері Grand City Hotels қонақүй желісімен 600 миллион евроға жуық келісім жасасқан.
Сурет telegraf.com.ua сайтынан алынды.
Мұнда 10 мың адам жайғастырылмақ. Бір босқынның қонақүйде тұруына күніне 50 евро, жылына 18 мың евро жұмсалады екен.
Босқындарды “Бәрі қамтылған” жүйесі бойынша орналастырмақ. Сондай-ақ, олардың неміс өлкесіне тез бейімделіп кетуіне бар жағдай жасалады. Келісім бойынша қонақүй желісі 22 қонақүй беретін болған.
2015 жылы босқындардың көбеюіне байланысты дағдарыс орын алған еді. Мәліметтер бойынша, Европаға жылына 1 миллионға жуық босқын келген. 800 мың адам Түркия мен Греция арқылы өткен. Ол жаққа көбінесе Сирия, Ирак, Ливия, Ауғанстан елдерінен барады. Бұрындары босқындарды қамтыған ЕО лимиттің таусылғанын мәлімдеген еді. БҰҰ-ның мәліметінше, 2016 жылы Евро Одақтың қоныс аударушылар саны екі есеге, ал Евро Одақтың өзінің есебінше үш есеге артпақ.