Геннадий Головкин Джейкобспен болатын жекпе-жекке қалай дайындалып жатыр (фото)
WBC, WBA, IBF және IBO тұжырымдары бойынша орта салмақтағы әлем чемпионы қазақстандық Геннадий Головкин америкалық Дэниэл Джейкобсқа қарсы өткізетін жекпе-жекке дайындықты бастап кетті.
Калифорниядағы Big Bear жаттығу лагеріне Головкин 3 қаңтар күні келген. Осы уақытқа дейін 7 желтоқсаннан бастап ол демалыста болған.
Ал ол уақытта Джейкобс жаттығу жұмыстарын үзбеген екен. Америкалық үш бірдей атақты боксшымен спарринг-серіктес ретінде дайындалып жатыр. Оның дайындығына украиналық 28 жастағы Евгений Хитров (14-0), 37 жастағы грузин Автандил Хурцидзе (32-2-2) және 31 жастағы украиналық Сергей Деревянченко (9-0) көмектесіп жатыр.
Ал америкалықтың бапкері Андре Розье болса, өз шәкіртінің Головкинмен болатын кездесуге 195 пайыз дайын екенін айтыпты.
Головкин-Джейкобс кездесуі 18 қаңтарда Нью-Йорктегі Madison Square Garden аренасында өтеді. АҚШ-та бұл жекпе-жекті PPV ақылы транслияциясы арқылы HBO телеарнасынан көрсетеді.
34 жастағы Головкин өзі қатысқан 36 жекпе-жектің барлығында жеңіске жеткен. Оның 33-і нокаутпен аяқталды. 29 жастағы Джейкобс 32 жеңіс, 29 нокаут, 1 жеңіліске ие.
Оқи отырыңыз:
Әлемге әйгілі желаяқ Усейн Болт бүкіл жүлделерінен айырылып қалуы мүмкін
Мейвезер: Альварес Головкинді нокаутпен жеңеді
Қытайлық клуб Роналду үшін 300 млн еуро ұсынды
Сәбина Алтынбекова Ақтөбеде өзінің жеке волейбол клубын ашпақ