Ғашықтар күні: Алматылықтар мерекені қалай атап өтті

Күні кеше ақпанның 14-і күні қолұстасқан ғашықтар Алматының төріне жиналып, Медеу мұз айдынында өткен мерекелік шараға атсалысты. Шара барысында түрлі ойын болып, сайыс ұйымдастырылды. Ал сайыстың жеңімпаздары тікұшақпен қаламыздың көрікті жерлерін аралау мүмкіндігіне ие болды.

Сурет: Stan.kz

Бұл туралы  Stan.kz  хабарлайды.

Келген қонақтар алдымен бой жазып, мұз айдынында сырғанады.

Енді бірі махаббаттарының мәңгілік болуын тілеп, некелерін “ресми” түрде тіркеп, арнайы сертификаттар алды. Артынша сертификаттарымен суретке түсіп, оларды тегін алу мүмкіндігіне ие болды.

Махаббат аркасы туралы шара ұйымдастырушысы Егор Свидиров: “Бұл арка Лас-Вегастағы аркаға ұқсатылып жасалатын болады. Келген қонақтарға 5 000 шар үлестіріліп, адамдардың барлығы бір уақытта тізе қосып, тілек айтып, қолдарындағы шарларын көкке ұшыратын болады”, – деді.

Қонаққа келген бірнеше мың ғашықтың басын қосу үшін “Big love ice” атты флешмоб ұйымдастырылды. Аталған флешмобқа үлкен, кәрі, жас демей, барлығы бірауыздан қатысып, сахнада тұрған жүргізушінің биін қайталады.

Бұдан өзге түрлі сайыс ұйымдастырылып, қонақтар романтикалық кешкі асқа, 5 жұлдызды қонақ үй бөлмесі сынды жолдамаларға ие болды. Ал ең басты сыйлық – тікұшақтағы романтикалық саяхат болды.

Оны Ахметова Кәмиля мен Ахметов Абылай жеңіп алды. Кәмиля инабаттық танытып, сайыс ережесіне сай сахнада тұрып, көпшіліктің алдында сүйісуден бас тартты.

Мерекеде сүйіктісінен айырылған жандар күйзелістен де арылып, жүрегінің емшісін тапты.

Сүйіктісі бар жандар махаббаттарының бір-біріне берік екенін тағы да дәлелдей түсті.

Шара соңында барлығы көкке шар ұшырып, ұйымдастырушыларға алғыс-тілектерін айтты.