Ғалымдар ұялы телефоннан тарайтын сәулелердің қауіпті екенін жоққа шығарды
АҚШ ғалымдары ұялы телефондардан тарайтын сәулелердің қауіптілігін жоққа шығарды, деп хабарлайды The Verge басылымына сілтеме жасап Stan.kz.
АҚШ-тағы «Токсикология жөніндегі ұлттық бағдарлама» ғалымдары тышқандарға зерттеу жүргізіп көрген.
Тәжірибе барысында тышқандар 2 жыл бойы күніне 9 сағаттан сәулелердің әсерінде болған. Зерттеуде ұялы телефоннан тарайтын сәулелерден әлдеқайда күшті сәулелер таратылған.
Зерттеу нәтижесі бойынша, ұялы телефондардан тарайтын сәулелердің қатерлі ісік және басқа да ауруларға алып келетіні күмәнді екені анықталған.
Десе де мамандар тәжірибе барысында аталық тышқандардың жүрегінде түрлі ісік пайда болғаныны жоққа шығармады.
«Ересектер күнделікті ұялы телефон қолданғанымен, оған байланысты түрлі дертке шалдыққандардың саны артқаны туралы мәлімет жоқ. Қатерлі ісік пен сәулелердің арасында байланыс туралы дәлел өте әлсіз. Біз телефон қолданатын адамдардың бойында қатерлі ісікке шалдығу қатері артқанын байқамадық», – деп мәлімдеді Тағамдық өнімдері мен дәрі-дәрмек сапасын санитарлық бақылау басқармасы.
Оқи отырыңыз:
Пицца ең пайдалы таңғы ас екені анықталды
Рактан өліп кетпеу үшін не істеу керек
Қытайлар науқас балаларға арнап жасанды құлақ шығара бастады