Ғалымдар: Смартфондар балалардың көзін қыли етеді
Оңтүстік Кореяда ғалымдар зерттеу жүргізіп, смартфондарды пайдалану балалардың көзінің қыли болуына әсер ететінін анықтады.
Сурет abonentov.net
Бұл туралы ҚазАқпарат хабарлайды.
Мамандар 7-16 жас аралығындағы балаларды іріктеді. Оларға күн сайын 4-тен 8 сағатқа дейін смартфон пайдалануға мүмкіндік берді. Балаларға гаджетті 20-30 см қашықтықта ұстау міндетті болды.
Тәжірибе барысында көптеген балалардың көзі қылилана бастаған. Қатысушылар смартфонды екі ай пайдаланбаған кезде ғана көздері жазылған. Ғалымдар смартфондардың көзге зиянды әсерін дәлелдеді. Көздің қылилануынан сақтану үшін мамандар смартфон пайдалануды тәулігіне 39 минутқа дейін қысқартуды ұсынады.
Ғалымдар егер ата-ана баланың көз ауруын байқаса, бірден дәрігерге көрінуге кеңес береді. Себебі, кейбір көз аурулары жүктемені азайтса да, жазылмауы мүмкін.
Талқылау