Ғалымдар Шығыс Қазақстан облысының атауын өзгертуді ұсынды

«Алтай – түркі әлемінің алтын бесігі» халықаралық форумының қатысушылары Шығыс Қазақстан облысының атауын Алтын Алтай деп өзгерту туралы бастама көтерді.

Ғалымдар Шығыс Қазақстан облысының атауын өзгертуді ұсынды

Бұл туралы 24.kz ақпараттық порталына сілтеме жасап Stan.kz хабарлайды.

ШҚО-да өңірлік бағдарлама жүзеге асырылған 3 жылда қазба жұмыстарының барысында күллі әлемнің қызығушылығын тудырған 19 мыңнан аса жәдігер табылған.

«Біз Еуропа, таяу және алыс шет елдердің өкілдері, ғалымдары біздің өңірді зерттеп жүргенін көрдік. Бұл біздің ғалымдарымызбен арада тығыз қарым-қатынас орнауына ықпал етеді. Өз кезегінде, тарихымыз бен мәдениетіміздің шет елдерде танылып жатқанын білдіреді», – дейді ҚР Президент әкімшілігінің ішкі саясат бөлімінің меңгерушісі Аида Балаева.

Бұл жылдың басты жаңалықтарының бірі – жаңа Алтын адамның табылуы. Оны Зейнолла Самашев бастаған археологтар тобы тапқан еді.

«Айталық, тас және қола дәуірінің зерттелуінде қалыс қалған дүниелер бар. Көне шахталар, өндіріс орталықтары – өте маңызды», – дейді археолог, тарих ғылымдарының докторы Зейнолла Самашев.

Іздеу жұмыстары келесі жылы басталады. Ал археология жөніндегі бағдарламаны тағы 3 жылға ұзартып, қаржы көлемін 2 есе ұлғайту туралы шешім қабылданған. Форум барысында шетелдік ғалымдар өңірде қазба жұмыстарын бірлесе отырып жүргізуге қуанышты болатынын жеткізді.

Облыста табылған жәдігерлерді терең зерттеу мақсатында арнайы зертхана ашу жоспарланған. Форумға қатысушылар бұл елдегі археология ғылымын дамытуға сеп болатынына сенеді. Сондықтан алдағы уақытта мемлекеттің шығыс өңірін Алтын Алтай деп атауды ұсынды.

Stan.kz сайтын Telegram арқылы оқыңыз. Арнамызға жазылыңыз.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Загрузка...
Орташа айырбас бағамы
11.12.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар