Футболдан Қазақстан құрамасы Болгариядан жеңілді

Футболдан Қазақстан құрамасы жолдастық кездесуде Болгариядан жеңілді. Ойын венгрдің Фельчута қаласындағы “Панчо Арена” стадионында өтті, есеп – 1:2.


Бұл туралы  Vesti.kz хабарлайды.

Венгрияға қарсы ойынмен салыстырғанда Қазақстан құрамасының бас бапкері Станимир Стойлов негізгі құрамда екі өзгеріс енгізді: негізгі қақпашының орнын Владимир Плотников алса, сол қапталдағы қорғаушы ретінде алаңға Гафуржан Сүйімбаев шықты.

Бірінші таймда бір гол соғылды. Оны 24-ші минутта болгар капитаны Ивелин Попов он бір метрлік айып добын орындап, салды. Бұл кезде Гафуржан Сүйімбаев Станислав Манолевке қарсы ойын ережесін бұзған еді.

Үзілісте Стойлов екі рет ойыншы ауыстырды, олардың бірі нәтижелі болды. 55-ші минутта Еркебұлан Тұңғышбаев есепті теңестірді, ал мұның алдында Роман Мұртазаевтың соққысы қақпа бағанасына тиген болатын.

Соғылған голдан кейін де Қазақстан құрамасы тоқтамай, ойында басымдық танытты. Гол соғатын мүмкіндік Мұртазаевта болған – ол асқан жылдамдықпен қарсыласынан озса да, дәл соққы жасай алмады.

Алайда матч Болгарияның жеңісімен аяқталды. Соңғы секундтарда Тұңғышбаев ереже бұзып, айып добы белгіленген, оны қарсылас команданың ойыншысы Николай Бодуров сәтті орындап, гол соғып кетті.

Еске салайық, 23 наурызда Қазақстан құрамасы Будапеште өткен жолдастық кездесуде Венгрияны 3:2 есебімен жеңген еді. Сол матч екі жылға келісімшарт жасасқан Стойловтың ұлттық құрама жетекшілігіндегі алғашқы кездесуі еді.

Тағы оқыңыз: 

Қазақтар Криштиану Роналдуға шапан жапты (видео)

Ақтөбеде тұрғындар жүйке ауруына шалдыққандармен бір емханада емделуге қарсы шықты

Таразда 3 400 теңге үшін дәмханада болған атысқа қатысты жаңа дерек шықты

Депутаттар «Тұрғын үй құрылыс жинақ банкін» сатуға қарсы шықты

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Орташа айырбас бағамы
22.07.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар