Соңғы ЖАҢАЛЫҚТАР
БАРЛЫҚ ЖАҢАЛЫҚТАР

«Эйр Астана» өз ұшағының Шереметьево әуежайында апаттық жағдайда қонғанын жоққа шығарды

«Эйр Астана» әуе компаниясы өз ұшағының Мәскеудің Шереметьево әуежайында апаттық жағдайда қонғаны туралы ақпаратты жоққа шығарды, деп хабарлайды Stan.kz ақпарат агенттігі әуе компаниясының баспасөз қызметіне сілтеме жасап. 

«Эйр Астана» өз ұшағының Шереметьево әуежайында апаттық жағдайда қонғанын жоққа шығарды

«Әуе компаниясының Нұр-Сұлтан – Мәскеу бағыты бойынша КС873 рейсімен ұшып шығуы тиіс болған ұшағы 40 минутқа кешіктірілді. Ол ұшақты талаптардың минималды деңгейінің шегінде пайдалануға мүмкіндік беретін кейінге қалдырылған жарамды ақауға байланысты», - делінеді әуе компаниясының хабарламасында.

Ұшақ экипажының командирі Шереметьево әуежайына қонардың алдында шектеулерді есепке алып, әуежайдан тежегіш жолдың барынша ұзын болуын қамтамасыз ету үшін, толық ұшу-қону жолағын сұраған. 

«Әуе кемесінің командирі апаттық жағдайда қонатыны туралы хабарлаған жоқ. Қону штаттық тәртіпте өтті», - дейді әуе компаниясындағылар. 

Еске сала кетсек, бұған дейін ресейлік және қазақстандық БАҚ-та «Эйр Астана» әуе компаниясының ұшағы Мәскеудің Шереметьево әуежайында апаттық жағдайда қонғаны туралы хабарланған еді.

Çàãðóçêà...
Қазір оқып жатыр