Ерекше архитектура: Ғимарат қара түсті пластикалық орындықтармен әсемделді (фото)

Chybik+Kristof архитектуралық студиясы Чехияның Брно қаласындағы жиһаз салонының сыртық бейнесін әсемдеу үшін бірнеше қара орындықты пайдаланған.

Бұрын ғимарат автосалонға тиесілі болған және өзге функционалды коммерциялық мүліктерден айырмашылығы болмаған. Бірақ, MY DVA Group жиһаз компаниясы өздері ұсынатын тауар мен құрылыс арасында қандай да бір байланыс болғанын қалапты. Осы кезде архитектор әзіл ретінде осындай ұсыныс жасады. “Әрі бұл арзан және тегін ғой” дейді олар.

Ақырында бұл әзіл-ұсыныс шындыққа айналып, жалпы саны 900 орындық пайдаланылады. Олардың отыратын тұсы арнайы жылжымалы болат конструкциямен бекітіледі.

Осылайша ғимараттың әу бастағы сыртқы келбеті толықтай жойылып, орнына жаңа әрі тың құрылыс орнайды.

Оқи отырыңыз: Әлемнің жаңа жеті кереметі: тізімі, сипаттамасы, суреті