"10 күннен артық жырақта жүре алмаймын": Динара Сәтжан патриот екенін айтып мақтанды
Белгілі тележүргізуші Динара Сәтжан шетелде тұрғысы келмейтінін айтты, деп хабарлайды Stan.kz ақпарат агенттігі.
Динара Сәтжан әлеуметтік желідегі парақшасында елдің көкейінде жүрген сұраққа жауап беріп, Қазақстанды әлемнің жеті кереметінен де артық қоятынын айтты. Шетелден 10 күннен артық шыдамайтын тележүргізуші елден ешқашан кетпейтінін жасырмады.
"Басқа елде тұрғың келе ме? Әрине, тұрғым келмейді. Ең көп дегенде отанымнан 10 күн жырақта жүре аламын. Одан кейін ешнәрсе қуантпайтын болып қалады. Бортқа кіріп, ана тіліңді естіп, өз ұлтыңның жүзін көріп, жымиғанына сүйсінгенде елге қайтып бара жатқаныңды сезесің", - дейді Динара Сәтжан.
Осылайша Қазақстанға деген махаббатын көрсеткен Динара Сәтжан желі қолданушыларының ыстық ықыласына бөленді.
Талқылау