Елімізде тестілеуден құлағандар тамызда қайта сынақ тапсырады

Жұма, 3 Маусым , 2016 21:44

ҰБТ-ның алғашқы күні-ақ екі мыңнан астам түлек 50 балды жинай алмады. Ал жалпы осы сынаққа қатысқан 18 мың түлектің орташа балы 83,7 болды. Олардың арасында алматылық 3 оқушы 125 сұрақтың барлығына дұрыс жауап берген. Түлектер сынағының алғашқы ресми мәліметтері осындай, – деп хабарлайды КТК арнасы.

image_l

Фото: kz.troniks.kz

Алматылық мектеп бітірушілер Аружан мен Рамзия көңіл толқуларын әлі баса алмай жүр. Ең жоғарғы балды жинау үшін бар ынтасын салғандарын айтады.

“Қажымас қайрат пен еңбектің арқасында болған жетістік деп санаймын. Себебі тек қана бір жыл емес, 11 жыл бойы алған білімдерімізді нәтиже көрсеттік, сол оның әділ нәтижесі деп есептеймін”, – дейді №159 мектеп-гимназия түлегі Аружан Мейірханова.

125 сұрақтың бәріне дұрыс жауап берген олар ең бастысы тест тапсыру барысында еш қобалжымай, өз қорқыныштарын жеңе білген. Оның үстіне, сұрақтардың көбі осыған дейінгі дайындық сынақтарынан таныс екен.

“Мен үшін аса қиын болмады. Өйткені, онда біз әр апта сайын тапсыратын тестердегідей ұқсас сұрақтар болатын. Бұл сұрақтармен мен таныс болдым”, – дейді №159 мектеп-гимназия түлегі Рәмзия Оспанова.

Айта кетерлігі, Рәмзияның егізі Мәриям 119 балл жинаған. Жалпы, биылғы түлектердің нәтижелері былтырғыдан әлдеқайда жоғары болып жатыр. Өткен жылғы бүкіл бітірушілердің орта көрсеткіші 80 балға да жетпеген. Биыл бірінші күні-ақ орташа бал 83,7-ні құрады.

“Қазақстан бойынша кеше 2 маусым күні 44 пунктте ҰБТ басталды. ҰБТ қорытындысы бойынша бізде 17934 бала қатысқан.  Кешегі күннің қорытындысы бойынша 100 балл алған баланың саны 3834 болды. Ол 21,3 пайызды құрады”, – дейді Ұлттық тестілеу орталығы орта білім бойынша тестілеуді ұйымдастыру басқармасының басшысы Жанна Қайшығұлова.

Ресми мәлімет бойынша тест тапсырушылардың алғашқы легінің арасында ең жоғарғы балды жинаған бесеу емес, үшеу болып шықты. Олардың екеуі бір мектептің түлегі. Енді 50 балды жинай алмаған 2277 оқушы тамыз айында ақы төлеп қайтадан тест тапсыра алады. Ал тәртіп бұзып, залдан қуылған төртеуі бұл мүмкіндіктен де айырылып отыр.


Жіберіп алмаңыз:

ҰБТ-ның бірінші күні Алматылық үш түлек 125 балл алды

Тест. ҰБТ тапсыра аласыз ба?

География бойынша ҰБТ сұрақтары

Шымкенттің әкімі ҰБТ қорытындысынан трагедия жасамауға шақырды

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
21.01.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар