Елімізде шетелдік валютамен жүргізілетін операцияларға шектеу қойылмайды

Ұлттық банк басшысы шетелдік валюталармен қолма-қол төлем операцияларын іске асыруға шектеу қою, заңдық тұрғыдан да, халықаралық міндеттемелерге де сай келмейді деп мәлімдеді.

Қазақстан аумағында ешқандай шетелдік валютамен жүргізілетін операцияларға шектеу қойылмайтыны туралы, Ұлттық банк төрағасы Данияр Ақышев хабарлаған.

“Біз шетелдік валюталарға қатысты қандай да бір шектеу енгізуді жоспарлап отырған жоқпыз. Бұл біздің заңымызға да, халықаралық ережелерге де сай келмейді. “, – деді ол Алматыда өткен бейсенбі күнгі баспасөз мәслихатында.

Бас банкир, “қаржылық және валюталық нарықтағы тұрақтылық біздің азматтардың есебінен шешілмеуі тиіс” деп түйіндеді.