Елімізде доллардың қымбаттауына айырбастау орындары кінәлі болып шықты

Сәрсенбі, 27 Шілде , 2016 21:28

Көк ақшаның құнын әдейі өсіріп жіберген. Теңгенің кеше күні бойы төмен қарай құлдилауына көппен бірге куә болған қаржыгерлер бұған айырбастау орындарын кінәлады.

9aaf658cf1eebe35c3ff158ea00

Биржадағы баға 350 теңгені көрсеткенімен, алыпсатарлар долларды 364 теңгеге дейін көтеріп жіберген болатын. Күллі жұрттың назарын қайта өзіне бұрған бағамға байланысты бүгін Ұлттық банктегілер де мәлімдеме жасады.

Ақша айырбастау орындарының араны нағыз енді ашылған секілді. Биржадағы баға кеше 350 теңгеге дейін көтерілген кезде, көшедегі қолма-қол сауда бірден 360-қа бір-ақ жетті. Бұл біраздан бері саудасы саябырсып, қолы жүрмей қалған алыпсатарлардың қолдан жасаған айласы дейді сарапшылар.

-“Доллар саудасында кеше орта деңгейі 352 теңге 1 доллар үшін болды. Айырбастау пункттары оны 359-360-қа дейін көтеріп жіберді. Айырбастау орындары  менің ойымша пайданы ойлаған”, – дейді сарапшы Меруерт Махмұтова.

Ұрымтал сәтті ұтымды пайдалаған сатушылар түнге қарата долларды тіпті 364 теңгеге сатыпты. Ал биржадаға қазіргі бағам – 352. Осындай төмен бағамен валюта алғандар үстіне небәрі 2 теңге қосып сатып жатыр. Ал елдің бас банкі ежелгі әдетіне салып, бұл жолы да бағамның өсуін мұнаймен байланыстырды.

-«Ағымдағы жылдың шілдесінде мұнай бағасының төмендеуі, мұнай өнімдері нарығындағы ұсыныс көлемінің өсуі, АҚШ-тағы мұнайдың жеткілікті қоры туралы деректердің жариялануы, сондай-ақ АҚШ-тағы бұрғылау ұңғымалары санының ұлғаюы – 2016 жылғы 26 шілдеде теңгенің 350.2 деңгейге дейін әлсіреуіне себеп болды”, – дейді ҚР ҰБ Монетарлық операциялар департаменті директорының орынбасары Әділ Мұхамеджанов.

Ұлттық Банктің тілшілерге таратқан тілдей парағында қайта-қайта құнсызданып, сенімнен жұрдай болған валютаға қатысты жұбатарлық жайт жоқ. Өйткені, экономиканың жалғыз арқасүйері – өнделмеген мұнай өндірісі де біршама төмендеген.

Бір жылдың ішінде Brent маркалы мұнайдың орташа бағасы әлемдік нарықта 22,2%-ға төмендеп,маусым айында 48,5$ құрады. Тау-кен өндіру саласында өндірістің көлемдері 2016 ж. қаңтар-маусымында 2015ж. қаңтар-маусымымен салыстырғанда нақты көрсеткіште 3,4%-ға төмендеген. Бұл теңгенің айырбастау бағамының әлсіреуіне себеп болды.

Экспорттың біраз бөлігі Еуроодақ елдеріне жеткізілетіндіктен, экономикамыз ондағы ахуалға да тікелей тәуелді екен. Бірақ ондағы жағдай да әзірше мәз емес дейді Ұлттық банктегілер. Дегенмен, сарапшылар алдағы уақытта теңгенің айтарлықтай әлсіремейтініне сенімді. Өйткені, ішкі нарықтағы қатысушылар қалай дегенменде өзара теңгемен есеп айырысады.

Бұған дейін Алматы мен Астанадағы айырбастау пункттерінде доллар бағамының 350 теңгеге жеткенін хабарлаған едік.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
22.07.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар