Соңғы жаңалықтар
Соңғы жаңалықтар

Елбасының мектеп бітіргендегі сыныптастарымен түскен суреті жарияланды

Бүгін еліміздегі мектептерде соңғы қоңырау үні сыңғырлап, жасөспірімдер алтын ұясымен қоштасуда. Осыған орай, алпыс жылға жуық уақыт бұрынғы кезеңге ойша шегініс жасап, Нұрсұлтан Әбішұлы Назарбаевтың оқушы кезінен естелік – 1958 жылғы фотосуретті ұсынылды.

20160525121851 (1)

Елбасының мектеп бітіргеніне биыл 58 жыл болды, деп жазады Ақорданың баспасөз қызметі Фейсбуктегі парақшасында.

Бүгін еліміздегі мектептерде соңғы қоңырау үні сыңғырлап, жасөспірімдер алтын ұясымен қоштасуда. Осыған орай, алпыс жылға жуық уақыт бұрынғы кезеңге ойша шегініс жасап, Нұрсұлтан Әбішұлы Назарбаевтың оқушы кезінен естелік – 1958 жылғы фотосуретті ұсынып отырмыз. Бұл – Абай атындағы мектеп-интернаттың 21-ші түлектерінің суреті. Оқу ісінің меңгерушісі Сейітхан Исаевтың оң жағындағы бозбала – Нұрсұлтан Әбішұлы.

Оқушы Нұрсұлтан туралы оның ұстазы мен сыныптастары төмендегідей сыр шертеді:
“Ол кезде бүкіл оқу процесі, сыныптан тыс жұмыстардың бәрі оқу ісінің меңгерушісіне жүктелетін. Өзіме қиын болғандықтан, маған пионер ұйымы мен комсомол ұйымының мүшелері көмектесетін. Ал ол ұйымдарды өзін тыңдата алатын, айтқанын орындата алатын шәкірт басқаратын. Сондай шәкірт Нұрсұлтан Әбішұлы болды”, -дейді Назарбаевтың ұстазы Сейітхан Исаев.

“Емтихан кезінде Нұрсұлтаннан көшірдік. Жасыратын несі бар? Бізде ол кезде барлық сабақтардан емтихан болатын. Сол кезде көмектесетін. Өзім шығара алмаған есепті, Нұрекең шығарса, неге көшірмеймін? Көшіремін!”, – дейді елбасының сыныптасы Кеңес Байбосынов.

“Демалыс күндері би кештерінен қалмайтынбыз. Нұрсұлтан тамаша билейтін. Ол кезде кім жақсы оқиды, қыздар соған қарай жүгіретін еді ғой. Ал Нұрекең мектепті «алтын медальмен» бітіремін деп, сабақтан бас алмай отыратын. Оқуға зерек, баян, домбыра тартатын Нұрсұлтан Назарбаевқа қыздардың көбі ғашық болды”, – дейді сыныптасы Сайлаубек Қыдырәлиев.

“Сол мектепте оқып жүрген кездерде-ақ Нұрсұлтанның көшбасшылық қасиеттері ерекшеленіп тұратын, – деп еске алады елбасының сыныптасы Рая Ғарифқызы.

Талқылау