-“Ұлттық валютаның еркін бағамы жағдайында халыққа төтенше ештеңе болып жатпағанын түсіндіру қажет. Теңгеге энергия тасымалдаушы өнімдердің бағасының төмендеуі ықпал етуде, бұл – табиғи үдеріс. Сонымен қатар, инфляция деңгейін, халықты әлеуметтік маңызы бар тауарлармен қамтамасыз ету ісін қадағалап, әлеуметтік әлсіз топтарға көмек көрсету жағын қарастыру керек. Облыс әкімдері осы мәселелерді бақылауы тиіс”, – деді Қазақстан президенті.
Сонымен бірге Нұрсұлтан Назарбаев Ұлттық банк қазақстандықтардың теңгеге деген сенімін қайта орнықтыру үшін шаралар қабылдап, экономиканы долларсыздандыру жұмыстарын жалғастыруы тиістігін атап өтті.
-“Бұл жағдайда бізге тиісінше ақша-несие саясатын жүргізіп, икемді бағам қалыптастыру қажет. Ең бастысы – қазір не болып жатқанын қоғамға түсіндіру”, – деді Ақышев. Ұлттық банк төрағасы Ақышев Қазақстанның әлемдік қаржы және тауар нарықтарындағы қазіргі ахуалмен санасуға мәжбүр екенін айтты.