Соңғы жаңалықтар
Соңғы жаңалықтар

Елбасы қазақ жұртын қасиетті мейраммен құттықтады

Мемлекет басшысы Назарбаев Ораза айт мерекесіне орай қазақстандықтарды құттықтады, деп хабарлайды Ақорданың баспасөз қызметі.

4c42881a478786d4e1e4956c19e84a29

Құрметті отандастар! Баршаңызды қасиетті Ораза айт мерекесімен құттықтаймын! Бұл мейрам күллі мұсылман үмбеті үшін маңызды Рамазан айының аяқталғанын білдіреді. Ежелден исламға тән құндылықтар – бейбітсүйгіштік, жанашырлық пен бауырмалдықтың терең мән-мағынасы осы шуақты күндерде айқын сезіледі. Ораза айтта шын жүректен ақ тілек айтылып, әр адам адами қарым-қатынастың жылылығы мен айналасындағылардың қамқорлығын сезіну үшін қайырымдылық шаралары жасалады.

Ізгі ниет пен игі істер қоғамда өзара түсіністіктің орнауына, халқымыздың татулығы мен ауызбіршілігін нығайтуға септігін тигізеді. Бұл – еліміздің одан әрі тұрақты және сенімді дамуының басты кепілі. Бірлік пен татулық жүрегімізде әрдайым бейбітшілік пен жасампаздықтың жылуын ұялатсын! Осы мерекеге орай барша қазақстандықтарға зор денсаулық пен бақ-береке тілеймін! Ораза айт қабыл болсын!

Тағы да оқыңыз:

Айт күні қандай амалдар істеу сүннет?

Дариға Назарбаева қазақстандықтарды Ораза айт мейрамымен құттықтады

Оразаны мақтаныш үшін ұстайтындар: Айнұр Тұрсынбаева өзін сынағандарға жауап берді

Талқылау