Екі күзетші Бестөбедегі жанжал кезінде негізсіз оқ атқан деп күдіктелуде
«Мыс-орда» ЖШС-нің екі күзетшісі Ақмола облысының Бестөбе кентінегі кеншілер мен күзетшілер арасында болған ұрыстан кейін қызметін асыра пайдаланған деп күдіктелуде.
Сурет: ohrana.ru
16 маусым күні Бестөбе кентінде алтын өндірумен айналысатын «Қазақалтын» алып компанияның жұмысшылары мен «Мыс-орда» күзет агенттігінің күзетшілері жанжалдасқан. Салдарынан 24 адам зардап шегіп, 4-уі ауруханаға жеткізілді.
Мәлімет бойынша, ҚР ҚК «Бұзақылық» бабы бойынша тергеу жүргізіліп, оқты «Мыс-орда» ЖШС-нің екі күзетшісінің атқаны белгілі болды. Күзетшілер «Жеке күзет қызметін атқарушы лауазымын пайдалану» бабы бойынша ұсталды. Енді бұлтартпау шарасы қарастырылып жатыр.
Бестөбеде болған оқиға бақылау назарына алынған.
Талқылау