Егіз ұлын өлтіріп тастаған әке сотта мұндай қатыгездікке барған себебін айтты

Жұма, 24 Қараша , 2017 12:29

Алматыда егіз баласын өз қолымен өлтірген әке сотта оқиға қалай болғанын айтып берді, деп хабарлайды ҚазАқпарат тілшісі.

Сот отырысындағы сұрақтарға жауап берген балалардың әкесі олардың өлтіргенде мас болғанын айтты. «Маскүнемдікке салынғандығымның салдарынан  балаларды қылқындырдым.

Ол (айыпталушы Волченок – ред.) келгенде ұлым қолында ұйықтап жатыр екен. Ол да мас әрі шаршаңқы болды, сосын біз ұйқыға кеттік. Кейін ол оянып: «Балалар қайда?» деп сұрады. Балалар үйіне апарып тастадым дедім. Біз далаға шығып серуендеп келдік те, пәтер ауыстырдық.

Түсте ол тағы ұйықтап қалды. Артынан балалар алаңқайына шығып тағы серуендедік. Сол жерде мен балаларды өлтіріп тастағанымды айттым.

Біз төбелесіп қалдық, бізді арашалап алды. Сосын пәтерге қайта бардық, өзімізге қол салайық деп шештік. Мен газды қосып, ұйықтадық.

Бірақ біз өлмей қалдық. Содан кейін жиналып, аудандық ІІБ бардық», – деді сотталушы Гильмутдинов.

Гильмутдинов Волченконың қорғаушысы қойған сұрақтарға жауап бергенінде ұйқыға кетер алдында газды қосып тастағанын азаматтық некедегі әйеліне айтпағанын да мойындады.

Еске сала кетсек, 11 қыркүйек күні жантүршігерлік оқиға Түркісіб ауданында болған. Көппәтерлі үйлердің бірінде тоңазытқыштың ішінен өлі сәбилер табылды.

Екі ұл баланың өлімі механикалық асфиксиядан болғаны анықталды. Кейін оларды туған әкесі Эмиль Гильмутдинов буындырып өлтіргені белгілі болды. Мүрделерді тоңазытқышқа салып кеткен.

Ер адам сотта кінәсін мойындап, балалардың жылап ұйқы бермегені өлтіргенін айтқан.  Кейін балалардың анасы Алла Волченко мен күйеуі үлкен ұлдары Равильді Самал шағынауданындағы аулалардың бірінде қаңғыртып тастап кеткен.

Бала аулада 3 күн жүрген. 2-3 жастағы Равильді сол шағынаудандағы аулалардың бірінде тұрғындар тауып алып, полиция шақырған.

Алматыда егіз балалардың өліміне қатысты сот отырысында куәгер, пәтер иесі Мәлика Ибраева балалардың мүрдесін қалай көргенін айтты, деп хабарлайды ҚазАқпарат тілшісі сот залынан. Оның айтуынша, Волченко пәтерді бір күнге жалдаған, сосын тағы бір күнге алатынын жеткізген. 12 қыркүйек күні түске жақын көршілер пәтер иесіне соғып, үйден сасық иіс шығып тұрғанын айтқан.

«Мен басында ет сасып кеткен шығар деп ойладым. Пәтерге кірдім ешкім жоқ болды. Тоңазытқыш бұрышта тұратын. Ашып қалып едім ішінен сөмке жерге түсті. Оның ішінде баланың басы жатқан сияқты көрініп, шошып кеттім де полиция шақырдым», – деді Ибраева.

Оқи отырыңыз:

Ернар Айдар: Аурухана төсегінде  барлық қателерім есіме түсіп, күні бойы жыладым

Желідегілер Салтанат Бақаеваға үшінші перзентінің қыз болуын тіледі (фото, видео)

Қай еңбегі үшін: Қоғам белсендісі Сивиді еліміздің еңбек ері атанған тұлғалармен салыстырды

“Шаншар” театрының танымал актері Жүсіп Ақшора қызын ұзатты (фото)

 

 

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
13.12.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар