Соңғы жаңалықтар
Соңғы жаңалықтар

Дос Көшім: Жер үшін көшеге шыққан жігіттерге алғыс айтуымыз керек

Қызылорда облысында өткен Жер реформасы бойынша қоғамдық комиссияның кезекті отырысында саясаттанушы Дос Көшім жер мәселесі қызып тұрғанда көшеге шыққан азаматтарды комиссия жұмысына тарту қажеттігін жеткізді,- деп хабарлайды Baq.kz тілшісі.

көшім

«Мен осында көшеге шыққан жігіттердің келіп сөйлегенін қалар едім. Өйткені Президент айтты ғой, жерге жаны ашитын адамдардың бәрі келсін деп. Ең бірінші, сол алаңға шыққан жігіттердің сөзін тыңдауымыз қажет. Неге шықты олар? Қандай мәселе көтерді? Не жандарына тиді? Біз емес, ең бірінші солар сөйлеуі керек және біз соларға рақмет айтуымыз қажет. Мынандай комиссияның құрылғанына. Осындай комиссия құрылып, заңға мораторий жарияланды. Соны жасаған жаңағы жігіттер. Егер біз үйімізде отырғанда, жоңғарлар бәрімізді үстімізден басып өтер еді. Маңғыстаудан бір-ақ шығатын еді. Егер біз желтоқсанда үйде отыра берген уақыттарда кеңес өкіметінің іргесі шайқалмайтын еді. Үйде отырғаннан мәселе шешілмейді», – дейді Көшім.

Саясаттанушының айтуынша, халықтың көңілінен шықпайын заң қабылданса, ел қайтадан көшеге шығуы әбден мүмкін. Сол себепті алдымен әлеуметтік-экономикалық мәселелерді шешіп, халықтың әл-ауқатын көтеріп алған жөн. Барлық қиыншылықтардан өткеннен кейін реформаларды жасауға болады. Онсыз қазіргі жағдайымыз «тышқан ініне кіре алмай жүріп құйрығына қалжуыр байлайдымен» бірдей.

 

Талқылау