Дмитрий Баландиннің оқытушысы оның сабақ үлгерімі жайында айтып берді

Дүйсенбі, 22 Тамыз , 2016 18:18

Брасс әдісімен 200 метрге жүзуден Рио Олимпиадасының чемпионы Дмитрий Баландиннің оқытушысы Андрей Хохлов студентінің сабақ үлгерімі жайында әңгімелеп берді.

20160822154848

Бұл туралы ҚазАқпарат хабарлайды.

Дмитрий әл-Фараби атындағы Қазақ ұлттық университетінің 3-ші курс студенті. Андрей Хохлов оны мектеп оқушысы кезінен білетін болып шықты.

«Димамен 3-ші сыныпта оқып жүрген кезден бастап айналыса бастадым. Ол адал ниетті, өз ісіне жауапкершілікпен қарайтын шәкірт екендігін көрсетті. Ешқашан қиындықтан қашқан емес. Тапсырмалардың барлығын бұлжытпай орындайтын. Білмеген жерін қысылмай сұрайтын. Кейін ол спорттағы дарынды балаларға арналған мектеп-интернатта білім алды. Онда басқа жаттықтырушылардың қол астында жаттықты. Мектептен кейін әл-Фараби атындағы Қазақ ұлттық университетіне түсті. Барлық жаттығулар дене шынықтыру институтының базасында жүрді. Студенттер сонда барып, жаттығатын. Әрине, жарыстарға байланысты Диманың сабаққа келе алмай қалып жүрген кездері болды. Бірақ, тапсырмаларды міндетті түрде алып жүрді. Оқытушыларға жауаптарды жіберіп тұратын. Қарапайым болатын, атағын бұлдаған емес. Берілген тапсырмаларды лайықты орындап жүрді. Жақсы оқиды. Дима алдына мақсат қоя білетін және сол мақсаттарына жете білетін өр мінезді жігіт. «Жұлдыз» ауруымен ауырмайды», – деді Хохлов.

Оның айтуынша, Ұлттық университетте жүзу бойынша дәріс беріп келе жатқанына 8 жыл болған. Жүзуден университет Универсиада ойындарында ұдайы бірінші орын алып келеді.

Ал, алдағы 1 қыркүйекте әл-Фараби атындағы ҚазҰУ-да жаңа бассейін пайдалануға беріледі.

Оның айтуынша,  Баландин Рио Олимпиадасында үздік өнер көрсетті.

«Дәл қазіргі таңда Қазақстанның жүзу спортында Дмитрийге ұқсап  ешкім өнер көрсете алмас еді», – деді ол.

Сондай-ақ, оқытушысы «Баландиннің жолы болды. Атақты қарсыластары болмады»,  – деген сөздерге жауап берді.

«Дима Олимпиада чемпионы. Бұл жерде барлығына бірдей мүмкіндік берілді. Ол басқаларға қарағанда финалда мықты, ширақ өнер көрсетті», – деді Хохлов.

Ол Диманың Токио Олимпиадасына қатысып, топ жаратындығына сенеді.

«Меніңше, ол бір емес, бірнеше алтын алады. Жаттықтырушылар құрамы және Диманың өзі жарыстан тиісті қорытынды шығарды  деп ойлаймын. Келесі Олимпиада да ол ересек, ақылды және дарынды бола түседі. Осының арқасында ол бір емес бірнеше алтынға қол жеткізеді деп ойлаймын», – деді Андрей Хохлов.

Рио Олимпидасында екі жүз метрге жүзуден қазақстандық спортшы Дмитрий Баландин ақтық сайыста алтын жүлдеге ие болған еді.

Жіберіп алмаңыз:

Баландиннің анасы: Ұлымның жеңісіне әлі сене алар емеспін

Дмитрий Баландин жеңісін барша қазақстандықтар тойлайтынын айтты

Фото: Рио Олимпиадасындағы қазақстандық спортшыларының жеңісті сәті

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
26.03.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар