Дінтанушы еліміздегі сәләфилердің танымал адамдарды өз қатарына қалай қосатынын айтты
Дінтанушы Қайрат Жолдыбайұлы сәләфилердің адамдарды қалайша баурап, өз қатарына қосып алатыны жайлы айтып берді.
“Сəлəфилер жылт еткен əнші, ақын, спортшы, журналист, аналитик т.б танымал адам көрсе, қалтасы қалың кəсіпкерді көздері шалса, оларды мақсатты түрде өз қатарларына қосуға тырысады. Оларды қаратса, оларға еліктеген қалың жастарды оңай қанжығаларына байлайтындықтарын жақсы түсінеді. Олармен жұмыс істеудің түрлі жолдарын меңгерген. Сəйгүлік мінгізіп, бүркіт сыйлайды. Сəлəфи сеніміндегі əдемі қызбен үйлендіреді. Жұмыссыз жүргендерін айлыққа байлайды. Жұмысқа тұрғызады. Əлеуметтік желіде жарнамасын жасап, көңілдерін қош етеді. Сайт ашып береді. Құрығы ұзын, жоғарғы жақтағы билік өкілдері немесе қалтасы қалың кəсіпкерлері арқылы арзан бағамен баспана мəселесін шешіп тастайды. Тендер алып береді. Спортшыға спортшыны, əншіге əншіні, кəсіпкерге кəсіпкерді, журналистке журналисті салады. Тіпті есерсоқтарды да тиімді пайдаланып, ұнамағандарына айдап салып, қоқаң-лоқы жасатып отырады”, – деп жазады Жолдыбайұлы Facebook желісіндегі парақшасында.
Жіберіп алмаңыз:
Алматыда жындыханадан қашқан жігіт жиһадты аңсаған салафит болып шықты
Белгілі дінтанушы Шымкентті сәләфтардың орталығы деп атады (видео)
Мұхамеджан Тазабек: Бізді сәләф дейтіндер – отпен ойнап жүр!