Динара Тілендиева талқыға түскен жалаңаш суретіне қатысты өз ойын айтты

Нұрғиса Тілендиевтің қызы Динара Тілендиева әлеуметтік желіде жариялаған суретіне сын айтқан көпшілікке алғысын айтты.

Бұл туралы Stan.kz хабарлайды.

Әнші дау болған жайтқа қатысты пікірін Инстаграм парақшасында dinaratlendiyeva жариялады.

“Кешеден бері менің Инстаграмда салған суретім біразыңызды “дүрліктіріп”, “наразылық тудырып” жатқан жайы бар екен. Менің жеке өміріме қызығушылық танытып, абыройыма алаңдағандарыңызға ризашылығымды білдіремін.

Ал, сол суретті желіде жарнамалап, сайттарына трафик жинаған журналистерге менің жеке басыма назар аударғаны үшін алғыс айта отырып, шығармашылығыма да сәл көңіл бөліп қойса деген тілегімді жеткізгім келеді. сол үшін, баршаңызды ақпан айында болатын концертімізге шақырамын, достар!”, – дейді Динара Тілендиева.

Бұған дейін Динара Тілендиеваның әлеуметтік желіде жігітпен жалаңаш түскен суретін жариялағаны жайлы хабарлаған болатынбыз.