“Мен үшін ең бастысы – менің жанұям, менің сіңілерім, менің бала-шағам, сүйген жарым, менің ата-анам, бүкіл туыстарым. Қалған нәрсе ол маңызды емес. Менің ең бірінші бауырларымды қойған себебім: әрине, әр біреуіміздің бала-шағамыз бар Венера, кішкентай Маржан мектеп оқушысы. Бірақ бізді үлкендер – ешқашан, қандай жағдай болса да, бауырыңды тастама деген. Ертелікте шайқас кезінде, бір батыр атпен қашайын деп тұрып, не бауырын не әйел, бала-шағасын бір атқа отырғызып алмайтынын біліп, тек бауырын ғана салып алып: «Қатын жолда, бала белде» депті. Қаншалықты қатігездік бомасын – ол рас енді.

Біз тек үш қызбыз үй ішінде, кейде мамама тағы неге тумадың деп сөйлеймін, әрине бір Алланың қолында! Сондықтан, бауырыңнан артық адам жоқ, жан бауырлар бір анадан шыққан, бір-бірін құрметтеп өту керек!
Мен үйдің үлкенімін, ол да жақсы екен үлкейген кезде. Ал сіз ше? Нешінші баласыз?! Қанша бауырыңыз бар? ” – деп бөлісті ол Instagram-дағы парақшасында.

Бұл орайда желі қолданушылары әншімен келісетіндерін жеткізген.

“”Өте дұрыс айтасыз! Бауырдан артық адам жоқ. Оны әке-шешемізден бірдей айырылғанда бұл дүниеде ағам екеуміз ғана қалғандай болдық. Сонда ойыма келгені, неге біз көпбалалы отбасынан емеспіз, бір-бірімізге сүйеу болар едік деп. Қазір Аллаға шүкір, өзімнің үш қызым бар, тағы да ұл болсын, қыз болсын, бөпеміздің болғанын қалаймын”, – дейді Динараның тыңдармандарының бірі.

Stan.kz сайтын Telegram арқылы оқыңыз. Арнамызға жазылыңыз.

Талқылау