Динара Сәтжан жертөледе тұратын астаналық екі бүлдіршінге сый жасап, оларды жылатты (видео)
Динара Сәтжан Жаңа жыл қарсаңында астаналық отбасыға сый жасады. Танымал тележүргізуші жертөледе тұратын жанұяға көмек көрсетті, деп жазады Stan.kz.
Сәтжан қол ұшын созған отбасы үш адамнан тұрады. Жасмин мен Ділназ есімді қос қызды бүгінде әжесі тәрбиелеп отырған көрінеді. Аналары таңнан кешке дейін жұмыста болғандықтан, мектепте оқитын қыздар тамақтарын да өздері әзірлеп ішеді екен.
“Астанада мұқтаж отбасылар көп. Бірақ жертөледе тұратын балаларды көремін деп ойламаппын. Екі қыз осында екі жылдан бері тұрып жатыр. Аналары үнемі жұмыста, қыздар мектепке барады, тамақты жерде тұрған спираль пеште әзірлейді. Видеода ол көрінбейді, егер де жаңа Сейфуллин көшесінде жалға беретін пәтеріңіз болса, хабарласыңыз.
Әрине, әкімдік қайда қарап отыр деп шулауға болады. Бірақ мемлекеттік тұрғын үй кезегі бар, ал онда мыңдаған адам тұр”, – деген Динара көпшілікті мұқтаж жандарға көмек көрсетуге шақырды.
“Әрине, қиын. Бірақ қандай жағдайдан да шығуға болады. Біз бұл отбасына киім, ақша, жұмыс тауып беріп, көмектесе аламыз. Біз болмасақ, кім көмектеседі? Біздің игі іс жасауға мүмкіндігіміз бар. Бірге атқарайық”, – деп түйіндеді сөзін ол.
Ал белгілі тележұлдыздан мұндай сыйды күтпеген қыздар көздеріне жас алып, жылап қалды. Желі қолданушылары болса Сәтжанның әрекетіне риза болды.
Қазақстандық жұлдыздардың өмірі жайлы t.me/kzshow арнамыздан оқыңыздар.