Дін істері министрі мешіт салуды сәнге айналдырғандарды сынға алды

Дін істері және азаматтық қоғам министрі Нұрлан Ермекбаев мешіт салуды сәнге айналдырғандарды сынға алды.

Бұл туралы Sputnik хабарлайды.

“Мәдени орындардың құрылысын реттейтін кез келді. Оның ішінде мешіт те бар. Мешіт – мұсылмандар үшін Алланың үйі. Сондықтан таза, әрі талапқа сай болуы тиіс. Жамағатқа бар жағдай жасалуы керек”, – дейді министр.

“Мешіт салу сәнге айналғандай көрінеді. Мешітте имам бола ма, ол мешіт қоғамдық орын ретінде маңызға ие ме ол жағы қызықтырмайды. Кей жерде мешіттер тіпті сатылымға шығып жатады”, – дейді Ермекбаев.

ҚР дін істері және азаматтық қоғам министрі Нұрлан Ермекбаев діннің пайдасын дәрімен салыстырды.“Біз ресми түрде және нақты жариялаймыз: мемлекет дін немесе сенімге қарсы емес, бірақ оны дәріптеумен де айналыспайды. Дін мейірім шашуы керек, оның пайдасын дәрімен салыстыруға болады. Негізі дәрі пайдалы болады, бірақ дұрыс емес немесе тым артық қолданса, пайда емес зиян келуі мүмкін”, — деді министр ведомствоның кеңейтілген алқа отырысында.

Ермекбаев министрлік діни бірлестіктерді өзінің сенімді серіктесі көретінін атап өтті.

“Дін саясиланбауы керек. Діни біліктілік тиісті тәрбие және саяси сауаттылықпен сүйемелденіп, сындарлы көзқараспен қабылдануы тиіс. Қоғамдық пікірталас барысында сарапшылар, діни бірлестіктер мен мемлекеттік органдар осындай тұжырымға келді. Қазіргі кезде дін саласында басымдық түсіндіру және алдын алу жұмыстарына берілуде”, — деді ол.

Ведомство басшысы мемлекет діни бірлестіктердің мәселелеріне араласпайтынын, алайда заңның сақталуын қатаң бақылауда ұстайтынын айтты.

“Дінді деструктивті және саяси мақсаттарда пайдалануға жол берілмейді. Мемлекет барлық заңды жұмыс жасап тұрған діни субьектілердің мүддесін қорғайды, діндарлардың құқықтарын қамтамасыз етеді. Сонымен қатар, діни фанатизм мен экстремизмге жол бермейді. Мемлекет діни бірлестіктердің канондық және діни мәселелеріне араласпайды. Бірақ заңдардың сақталуын қатаң бақылайды”, — деді министр.

Тағы да оқыңыз:

Жесір әйелді жасырын жыныстық қатынасқа шақырған діндар оқиғаның қалай болғанын айтып берді

Жас жұбайларша тортты бір-біріне жегізіп, артынша сүйіскен қазақ ата мен әжей елді таңғалдырды (видео)

Қытайда қамалған қазақтардың туыстары көпшіліктен көмек сұрауда

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Орташа айырбас бағамы
20.08.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар