Анасы Қытай заңына сай осы күнге дейін Димашқа салынған тыйымдар жайлы айтты
Анасы Светлана Айтбаеваның айтуынша, Димаштың Бейжіңде әлі аяқталмаған шаруалары бар.
Бұл туралы Aktobenews.kz хабарлады.
Ол алдағы аптада елге оралады.
«Айдың аяғына дейін Қазақстанға оралуы керек. Келген соң аз уақыт тынығып алады. Содан кейін оқуын жалғастырады», — дейді таяуда Қытайдан оралған Светлана Айтбаева.
Әншінің айтуынша, Димаш пен Хунань телеарнасы арасындағы келісімшарттың мерзімі де аяқталып келеді.
«Қытай елінің заңдары қатаң екен. Осы уақытқа дейін Димашқа журналистерге тіс жаруға да тыйым салынып келді», — деді ол.
Светлана Айтбаева елге орала сала Ақтөбедегі жағдайға алаңдағанын айтады.
«Қытайда телефоным интернеттен ажыратулы болды. Сондықтан, желіге шыға бермедім. Елге оралғанда жағдайды естіп, көңіл күйім түсіп кетті», — дейді әнші.
Айта кетейік, Светлана Айтбаева Қытайға Димашты ақтық сында қолдау үшін барған болатын.
Жіберіп алмаңыз:
Димаш ұмытылмас тосын сыйы туралы айтып тыңдармандарын қуантты
Димаш Қытай қалаларын аралап, концерттік кештерге қатысуын бастап кетті
Алтынай Жорабаева: Қытайлардың Димашқа бас жүлде бермейтінін білгем