Димаш Құдайберген ата-анасының күміс тойына ерекше тосын-сый жасады

Биыл Димаш Құдайбергеннің отбасында қос қуаныш. Әншіні тәрбиелеп, өсірген ата-әжесі алтын, ал жарық дүние сыйлаған ата-анасы күміс тойын тойлауда. Осы орайда Димаш ата-анасына ерекше сый жасаған. Бұл туралы Қанат және Света Айтбаевтар 31 арнаның “Айта берсін” бағдарламасында айтты, деп жазады Stan.kz ақпараттық агенттігі.

Димаш Құдайберген ата-анасының күміс тойына ерекше тосын-сый жасады

“Света екеуміздің шаңырақ көтергенімізге 25 жыл болды. Жақсы сөз жарым ырыс дейді. Ата-анамыз үйленген кезде әкемнің жақын достарының бірі: “Құдайберген-Миуа, сіздердің алтын тойларыңызды балаларыңыздың күміс тойымен бірге тойлайық”, – деп тілек жазған екен. Сол тілекке жеттік. Биыл ата-анамыздың алтын тойына біздің күміс тойымыз сәйкес келіп тұр”, – деп қуанышымен бөлісті Қанат Айтбаев.
Ал анасы мерейлі күнге орай тұңғышы Димаштың жасаған сыйы жайлы сөз етті.

“Димаш кезінде Қанат маған арнап жазған әнді жаңадан өңдеп, қайта жаздырып, бізге тосын-сый жасады. Кезінде Қанат маған арнап жазған. Сөзі де, әні де өзінікі. Мен бір жаққа кетіп қалған болуым керек”, – деп күлді Света Айтбаева.

“Иә, “Сағындым” деген ән. Ән деген өзі көңіл-күйдің көрінісі ғой. Мен өзі арнайы отырып, ән жазатын адам емеспін. Сазгер емеспін, көңіл-күйге сәйкес әртүрлі әуендердің келетіні белгілі. Шынында да, мұңайып, сағынып отырған кезде жазған әнім. Димаш арнайы біздің күміс тойымызға орай жаңадан өңдеп, жарыққа шығарды”, – деп жарының сөзін жалғады Қанат Айтбаев.

Stan.kz сайтын Telegram арқылы оқыңыз. Арнамызға жазылыңыз.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Загрузка...
Орташа айырбас бағамы
23.09.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар