Диетологтар жаңа жылдық дастарханның мәзірін жасады

Сәрсенбі, 30 Желтоқсан , 2015 21:30

Шектеусіз арақ-шарап пен ас та төк тамақ жаңажылдық дастарханның басты сәні емес. Мерекелік ас мәзіріне қатысты мамандар осындай пікір білдіріп отыр.

1435242723_11nov

Бұл туралы КТК арнасы хабарлады.

Диетологтардың айтуынша, бұл экономикалық дағдарыстан туған шектеу емес, ең алдымен адамның өз денсаулығы үшін маңызды. Сондықтан дастарханда көкөніс, ет, ұлттық сусын секілді ағзаға пайдалы тағамдар болғаны жөн.

Бүгін жаңажылдық ұжымдық кеш өткізілетін Алматыдағы бұл мейрамханада таңнан бері қызу дайындық басталған. Кешкі дастарханға қойылатын Қытай, Еуропа және өзіміздің ұлттық ас мәзірінен түрлі тағам осы жерде дайындалмақ.

Аспаз Дуэн Шудонгтың айтуынша, Қытайда еттен гөрі көкөніс пен жапырақтан жасалатын тағамдарға басымдық беріледі. “Ал мұнда басқаша. Тағам түрлеріне шектеу жоқ. Мәселен, бүгінгі қонақтарымыз осындағы ас мәзірінің барлығына тапсырыс беріп отыр”,  -дейді аспаз.

Мереке қарсаңында Алматының көптеген мейрамханаларында осындай қарбалас. Ал дастарханға қойылатын тағам түріне келгенде, мамандар мынадай кеңес береді.

“Тәтті тағамдар дейтін болсақ, мен шоколадты айтар едім, тәтті тамақ керек болса, жаман емес, жұрттың бәрі жақсы көреді анау балмұздақты. Оны неге жемеске, оны неге пайдаланбасқа?!  Қызыл шарап, одан екі бокал”, – дейді  Қазақ тағамтану академиясының президенті Төрегелді Шарманов.

Ары кетсе, арақтан тек 100 грамдай ғана ұрттау керек. Көңілді отыру үшін осының өзі жеткілікті. Есесіне, көкөніс, жеміс және жылқы етіне шектеу қоймаса да болады. Ал ерекше жаңажылдық ас мәзірі жыл иелеріне бұйырып тұр. Оларға тәттіні көп жеуге болмайды. Бірақ 1-ші қаңтарда Алматы хайуанаттар бағының маймылдарына ең сүйікті асы – ірімшіктен жасалған торт беріледі.

Мамандардың айтуынша, мерекелік отырыста ішімдіктің орнына тек қымызды қолданса да болады. Өйткені, бір литр қымыз спиртті ішімдік ішкенмен тең екен. Дегенмен, не жейді, не ішеді – ол әркімнің өз қалауы. Бірақ мерекелік кештің ертеңінде не болатынын ойлап қойған да артық емес.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
26.03.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар