Осы жылдың 19 ақпан күні Парламенттің шаруашылық басқармасы мемлекеттік сатып алулар порталы арқылы бір жыл бойы тұтынантын тағамдарға тапсырыс берген. Солардың ішінде жүз келі шоколад, креветка, көкжидек, жемістер мен бір тонна қызыл балық, басқа да қымбат тағамдарды атауға болады.

Басқарма тапсырыс берген тағамдардың сапасының да жақсы болуы тапсырған.

Тағамдарға қойылған талаптардың кейбірін атап өтер болсақ, тапсырыс берілген 850 келі ақсерке балығының ауланғаннан кейін мұзға қатырылуы міндеттелген. Және балықтың Х белгісі болу тиіс екен. Сондай-ақ, балықтың ұзындығы 1,5 метрден аспауы, салмағы 9-39 келі арасында болуы керек делінсе, шаянның іші жұмсақ, сырты қатты болуы талап етілген.

Ал, 1 центнерге тапсырыс берілген кілегей аздап пастерленіп, хош иістеніп тұруы керек. Нанның бетінде ешқандай сызат болмай, беті жұмсақ болу керек екен.

Мұнымен қоса, сүтті шоколадқа тапсырыс беріліп, жаңа күйінде әкелінуі тиіс делінген. Егер өзгеше дәмі мен иісі болатын болса, одан бас тартатыны да аталған.

Солтүстік көкжидегі міндетті түрде мұздатылған болуы керек. Көкжидектің де ішінен бір тал артық зат табылса, қабылданбайтыны айтылған.

Бұған дейін депутаттар үшін 11 мың шөлмек қымбат арақ-шарапқа тапсырыс берілгенін хабарлаған едік. NewTimes.kz берген сұхбатында депутаттар ішімдіктерді тегін ішпегенін айтқан. Және кейбір қымбат шараптардың өзге елден келетін қонақтар үшін арнайы алдыратынын айтып қалған.

Талқылау