Депутаттар халықтың зейнетақы қорындағы ақшасын желге шашқандарды жазалауды ұсынды

Сәрсенбі, 17 Мамыр , 2017 21:50

Басынан дауы арылмаған Зейнетақы қорының тағы біраз лауазымды қызметкерлері жауапкершілікке тартылуы мүмкін. Бүгін мәжілістегілер халықтың қасықтап жинаған ақшасын шелектеп төккендерді жазалуды талап етті, деп хабарлайды КТК арнасы.

d3519b69d336ac76947c10b54c19b708

Ұлттық банк төрағасына сауал жолдаған депутаттар қордың инвестициялық саясатын да бір сүзгіден өткізу керек дейді. Өйткені Бірыңғай жинақтаушы зейнетақы қоры салымшылардың ақшасын қаржылық жағдайы мәз емес банктерге сеніп тапсырған көрінеді.

Зейнетақы қорындағы дау-дамайға депутаттар да араласа бастады. Банкрот болған Әзірбайжан банкіне 71 миллиард теңге құйып жіберген қордың жұмысын Мәжілісте Азат Перуашев қатаң сынға алды.

Депутат халықтың ай сайын аузынан жырып беретін ақшасы тістегеннің аузында, ұстағанның қолында кетіп жатыр дейді. Сондықтан, бүгін Ұлттық банк төрағасына сауал жолдап, миллиардтарды желге ұшырған басшыларды жауапкершілікке тартуды ұсынды.

«Сосын құнды қағаздар мен облигацияларды орналастыруда банктердің халықаралық рейтингін қадағалап, төмен болған жағдайда оған инвестиция құюға тыйым салу керек. Одан кейін қордың инвестициялық портфелін толық тексеріп, күмәнді банктердегі құнды қағаздардан тазарту қажет», – дейді Мәжіліс депутаты Азат Перуашев.

Перуашевтың айтуынша, зейнетақы қорындағы қыруар қаржы қазір сенімсіз қолда екен. Өйткені рейтингі ең төмен банктерде салымшылардың 160 миллиард теңгесі сақталған. Ал 60 миллиард теңгенің құнды қағаздары қаржылық ахуалы мүшкіл мекемелерге салыныпты.

«Ең қызығы бұл жағдай Әзірбайжан банкіне ғана қатысты емес. Мәселен екінші деңгейлі банктердің салған ақшасына қарасақ, ең көп ақшаны зейнетақы қоры ең рейтингі төмен банктерге салып отыр екен. Ал рейтингі жоғары банктерге 70 есе аз ақша салып отыр», – дейді Перуашев.

Ал шенеуніктер, тағы сол алаңдауға негіз жоқ дегеннен танбай отыр. Еңбек министрінің айтуынша, ай сайын аударылатын ақша заңмен қорғалған. Сондықтан қордағы қаржы күйіп кеткен күннің өзінде зейнетақыны мемлекет төлеп береді дейді Тамара Дүйсенова.

«Әр азамат зейнеткерлікке шыққан кезде 20 жыл, 40 жыл салды ма соның жыл сайынғы инфляциясы есептелініп береді. Егер бүгін зейнетақы қорының инвестициялық табысы кем болса сол кем табысты мемлекеттік бюджет толықтырып беруі керек», – дейді ҚР Еңбек және халықты әлеуметтік қорғау министрі Тамара Дүйсенова.

Алайда қордағы желге ұшқан ақшаларды қазына есебінен қайтаруға депутаттар қарсы. Сондықтан халық қалаулылары зейнетақы жүйесін бәскелестік ортаға беру керек дейді.

Ал осы дауға байланысты бұған дейін буған аузын ашпаған Ұлттық банктегілер енді Перуашевтың депутаттық сауалына міндетті түрде жауап беруі тиіс.

Жіберіп алмаңыз:

Қазақстан қырғыздарға 100 млн доллар көмек беретін болды

Зейнетақы қоры Әзірбайжан банкіне салған 71 млрд ақшаны қайтара алмауы мүмкін

Елімізде әуе билеті тағы қымбаттайды

Министр зейнетақының үш кезеңде қалай және қаншаға өсірілетінін айтып берді

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

4
Комментариев
  • Anonymous says:

    Озимизге кайтарыныздар уй алайык

  • Anonymous says:

    Озимизге кайтармайма, ипотекамызды толеушы едик кайдагы азербайжанга бергенше

  • Anonymous says:

    “Банкрот болган жагдайда,мемлекет ози толейди”дегениниз кай сасканыныз,министр ханым!Мемлекеттин каржысы-халык каржысы екенин анда -санда естеризге тусирип турсаныздар …

Leave a Reply

Your email address will not be published.

Орташа айырбас бағамы
24.07.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар