Данияр Ақышев Ұлттық банкке “пара бермей-ақ” қызметке тұруға уәде берді
Ұлттық банк талантты жас мамандарды іздеу мақсатында қатысам деушілерді шараға шақырады.
Бұл туралы Kapital.kz порталының онлайн-конференциясында Ұлттық банк төрағасы Данияр Ақышев мәлімдеді.
«Шара «Ұлттық банкке пара бермей-ақ өз біліміммен қызметке тұрам» деп аталады. Ол үшін не талап етіледі? Әуелі білімдіболу, ағылшын тілін білу, алға қойған мақсатқа жетуге деген ынтаның болуы», – дейді Ақышев.
Оның айтуынша, банк алдында тұрған негізгі міндеттердің бірі жақсы кадрлар жинау. Ұлттық банк іске асыра алатын жаңа бастамалары бар жас мамандарды іздейтінін атап өтті.
«Біз жастарды қаржылы-несиелі саясат, қаржымен қамту, қаржылық ұйымдарды қадағалау, алтынвалюталы активтерді басқару, сондай-ақ, жоғары білікті мамандарды облыстағы ақпараттық технология саласына жұмылдыруды көздейміз», – деп атап өтті банк төрағасы.
«Біз бар күшін елдің қаржылық институтына салғысы келетін талантты перспективалы жастарды шақырамыз. Ол үшін жай ғана өз резюмеңізді [email protected] электронды поштасына жолдаңыз. Осы күннен бастап резюмелерді жинап, бір ай ішінде өтініштерді қарайтын боламыз. 2016 жылдың 20 қазанынан соң өтініш берушілердің ісін қолға алатын боламыз», – деп мәлімдеді банк төрағасы.
Жіберіп алмаңыз:
Ұлттық банк төрағасы келесі жылы қазақ тілінде сайрап тұруға уәде берді
Қазақстанда қазан айынан бастап қандай теңге номиналдары айналымнан шығады?
Ұлттық банк теңгені сақтау үшін айына 146 миллион доллар жұмсаған
Ақтөбе әкімдігіндегі шенеунік алтын жалатылған креслоға тапсырыс берген