“Дүниежүзі аруы-2015” атағын филиппин қызы жеңіп алды
Филиппин өкілі 26 жастағы Пиа Алонсо Вуртцбах «Дүниежүзі аруы – 2015» титулының иегері атанды.
Бұл жайында жексенбі кешке америкалық Лас-Вегаста (Невада штаты) мәресіне жеткен атақты сұлулық байқауы финалының қорытындысы бойынша хабарланды.
Нәтижелерді жариялау сәл болмағанда жанжалға ұласа жаздады. Байқау жүргізушісі жеңімпазды жариялағанда, «Дүниежүзі аруы» ретінде қателесіп колумбиялық 21 жастағы Ариадна Гуттьересті атаған. Алайда оның басына тәжді кигізгеннен кейін конферансье конвертте берілген есімді қате оқығандығын мәлімдеп, кешірім сұрады.
Айта кетейік, марапаттау кезінде аздаған қателіктер жіберілді. Жүргізуші алғашында жеңімпаз колумбиялық Ариадна Гутьеррес болды деп хабарлады. Оған тәж кигізілгеннен кейін жүргізуші кешірім сұрап, өзіне берілген конверттегі есімді дұрыс оқымағанын жеткізді. Жаңа “Дүниежүзі аруына” тәжді былтырғы жеңімпаз Паулина Вега тапсырды.