Бүгін елімізідің көптеген аймағында қар жауады
Атмосфералық фронттардың өтуіне байланысты 12 желтоқсан күні елдің басым бөлігінде жауын-шашын (қар) жауады.
Тек оңтүстікте, оңтүстік-шығыста, солтүстікте және солтүстік-шығыста күн жауын-шашынсыз өтеді.
Кей жерлерде тұман, көктайғақ, бұрқасын және желдің күшеюі күтіледі, деп хабарлайды «Қазгидромет».
Атап айтқанда, Оңтүстік Қазақстан, Қарағанды облыстарының жекелеген жерлерінде тұман, бұрқасын, 15-20 м/с екпіндегі жел болжанады. Павлодар, Шығыс Қазақстан облыстарының кей аумақтарында бұрқасын соғып, жел 15-20 м/с күшейеді.
Алматы облысының кей жерлерінде түнде тұман болып, Жалаңашкөл ауданында желдің жылдамдығы 15-20 м/с артады. Батыс Қазақстан облысының кей жерлерінде тұман мен көктайғақ күтіледі, желдің екпіні – 15-20 м/с.
Ақмола облысының кей аумақтарында түнде және таңертең бұрқасын болады. Жамбыл, Қызылорда, Маңғыстау, Атырау, Ақтөбе, Қостанай, Солтүстік Қазақстан облыстарының кей жерлеріне тұман түседі. Атырау облысында көктайғақ болжанады.
Оқи отырыңыз:
Денесін күйік шалған бала қамқоршыларының көмегімен Астанада емделетін болды
Жүк көлігінен ұшқан дөңгелек мотоцикл айдаушыны қағып кетті (видео)