Іс материалдарына сәйкес, банк пен «БЖЗҚ» АҚ салымшылары арасында келісімшарт жасалып, 2 жылға 1 млрд теңге, сонымен қатар 1 жылға 1,5 млрд теңге салым салынған. Бірақ Delta Bank келісімшартта көрсетілген талаптарды орындамаған. Дәл осы себепті зейнетақы қоры банкті сотқа берді.

«Банк салымы туралы келісімшарттың 2.6 жəне 3.3-тармақтарына сəйкес салымшы келісімшартты бұзса, банк үш жұмыс күні ішінде депозит қаржы сомасы мен сыйақы мөлшерлемесін қайтаруы керек», – дейді қалалық соттың баспасөз қызметі.

Ал банк өкілдерінің айтуынша, банк лицензиясы тоқтатылуына байланысты БЖЗҚ-ның қаржысын қайтаруға мүмкіндік жоқ.

Алайда банк қарызды қайтарудан бас тартып отырған жоқ.

Сот БЖЗҚ арызын толығымен қанағаттандырды. Сот үкіміне сәйкес, Delta Bank № 22/1222 банк салымы туралы келісімшарты бойынша – 1 113 388 888 теңге, ал №22/1576 келісімі бойынша 1 626 000 000 теңге өндіріп беруі қажет.

Естеріңізге сала кетсек, 2017 жылдың 4 тамызда ҚР Ұлттық банк «Delta Bank» АҚ депозиттерді қабылдау жəне банк шоттарын ашу лицензиясынан айырған еді.

Оқи отырыңыз:

Ақтөбелік көлік жүргізушілері газ іздеп, сандалып жүр

Қазақстанның мұнай өңдеу зауыттары АИ-95 бензинін шығара бастады

Сауда алаңын ашу үшін астаналықтарға “ақша жинау” туралы ұсыныс айтылды

Елімізде несие алушылар банктен комиссия шығындарын өтеп алып жатыр

Талқылау