Бұл табиғи нәрсе: Қырықтан асқан әйел 7 және 4 жасар балаларын әлі күнге дейін емізетінін айтты

Аустралия тұрғыны Лиза Бриджер 7 және 4 жасар екі баласын әлі күнге дейін емізетінін айтты. Артынша желі қолданушылары оны сынның астына алды.

Бұл туралы The Sun басылымына сілтеме жасап Stan.kz хабарлайды.

46 жастағы Бриджердің бірнеше баласы бар. Ол балаларының екеуін – 7 жасар Чейз бен 4 жасар Феониксті әлі күнге дейін омырауымен емізіп жүр.

Өз кезегінде желі қолданушылары Бриджердің әрекетін қызу талқылап, оны сөгіп тастады. Олар әйелді педофил деп айыптап, тіпті кейбірі оның психикалық денсаулығы дұрыс емес екенін айтуда.

Оларға жауап берген әйел өзінің де, балаларының да дені сау екенін атап өтті. Бриджер соңғы 20 жыл көлемінде балаларын емізіп келеді. Айтуынша, баланы омыраудан шығару үшін дұрыс әрі қолайлы уақыт – 4 пен 8 жастың аралығы.

«Менің ауру әрі көмекке зәру екенімді айтып жатқандарға келер болсақ, дені сау емес адамның әрекеттерін жасап жатқаным жоқ. Жасап жүргенім табиғи нәрсе. Бұл жыныстық қатынас емес және мен педофил емеспін», – дейді ол.

Сонымен қатар Бриджер ана сүтінің құрамында көптеген пайдалы зат болатындықтан, балаларына тек пайда әкеліп жатқанын түсіндірді.