Өзін сәби кезінде құтқарып қалған медбикені іздеген әйел оны 38 жылдан соң тапты (фото)
Аманда Скарпинати сәби кезінде үйінде қатты күйіп қалып, АҚШ-тағы Олбани медициналық орталығына түскен. Емдеу-сауықтыру кезінде оған жас медбике қараған. Олардың бірге түскен суреттері аурухананың 1977 жылға арналған жылдық есебі кезінде де жарияланады.
Фото: © Amanda Scarpinati
Аманда болса сол әйелге өзінің алғысын айту үшін, оны өмір бойы іздеген. Бұл суреттер өмірінің қиын сәттерінде қызға күш берген: “Мен осы бір бейтаныс медбикемен түскен суреттерден өзіме жұбаныш табатынмын. Оған қарап мен қамқорлық пен махаббатты сезіндім”, – дейді ол.
Аманда ол әйелді ұзақ жылдар бойы іздесе де таба алмайды. Оның есімі әлгі жылдық есепте де жазылмаған екен. Кезекті талпынысы кезінде ол әлеуметтік желінің көмегіне сүйенеді. Ол суреттер мен оқиғаның тарихын жазып, желіге салған. Жауап та көп күттірмеді. Кезіндегі жас медбике Сьюзан Бергер екен.
Сью бұл қызды таныған: “Ол өте сабырлы еді. Әдетте балалар операциядан соң үздіксіз жылайтын. Бірақ, ол ондай болмады, өте тыныш болды”, – дейді медбике.
Екі апта өткен соң екеуі сол бір медициналық орталықта 38 жылдан соң кездеседі.
Суреттегі кез Сьзанның небәрі 21 жастағы кезі екен. Ал қолындағы сәби оның ең алғашқы емделушілерінің бірі. Ол өзінің дәрігерлік қызметін адал парызы, міндеті ретінде атқарғандықтан мұндай жылышырай кездесу болады деп күтпеген болатын.
