Бразилия моделі жыртқыш акулалармен теңіз түбінде суретке түсті (фото)
33 жастағы бразилиялық модель, тележүргізуші әрі жануарларды белсенді қорғаушы Карина Олиани су астындағы фототүсірілімге қатысты. Алайда, бұл түсірілім өзгелерден ерекше. Өйткені модель суретке өзі ғана емес, су астындағы аклалармен түсті.
Бұл туралы bigpicture.ru хабарлайды.
Яғни, түсірілім кезінде оның айналасында жыртқыш акулалар жүрді. Және ол ешқандай қорғану құралын, демалу құалдарын пайдаланған жоқ. Мұндай ерлікке модель қыз акулалары қорғау үшін барды.
Фототүсірілім Багам аралында өтті. Модель 20 жылдан бері дайвингпен айналысады. Оның ешбір демалуға арналған құралсыз суретке түсуіне атақты дайверлер Стюарт Коув пен Лиз Паркинсон көмектесті.
Модель мен акуланың арасын бөліп тұратын ешқандай зат болмаған. Сондықтан да Карина осы жағдайдың адамдардың акулаларды тереңірек танып-білуіне көмектеседі деп үміттенеді.
«Олар ешқандай да жыртқыш емес. Адамдар сағат сайын 11 мың акуланы өлтіреді. Бұл жануарлар экожүйе үшін маңызды емес пе? Жер бетінде акулалар 400 миллион жылдан бері тіршілік етіп келеді», – дейді Карина.
