Блондинка 6 қабырғасын алдырып, көзінің түсін ауыстырған (фото)
Шведтік модель Пикси Фокс 6 қабырғасын алдырып жіңішке белді болған. Ол өз сұлулығын арттыра түсу мақсатында мұнымен тоқтап қалмастан, импланттың көмегімен көзінің түсін де ауыстырған.
Бойжеткен осы өзгеріске қол жеткізу мақсатында 19 пластикалық отаны басынан өткізген. Қыз осы өзгеріске қол жеткізу үшін 80 мың доллар жұмсапты.
Енді бойжеткен өмір бойына шыдамдылық танытуға міндетті:оның белін қысып тұратын арнайы корсетті шешуге болмайды. Тек жуынатын кезде, ұйықтар сәтте ғана шеше алады.
Пиксидің айтуынша өмір бойы көзінің түсін өзгертуді армандаған. Арманына қолы жеткен сәтте өзі қалаған мультфильм кейіпкеріне ұқсай түскеніне қуанышты.
“мен мұндай отаның барын үш жыл бұрын білдім. Сол кезде мүмкіндігім болған сәтте бірден жасатуға шешім қабылдадым. Мен көзімнің бұрынғы түсін орнына келтіре аламын. Сондықтан да оған еш алаңдамаймын”,-дейді 26 жастағы модель.
Пикси көзіне жасанды имплант орнату отасын Үндістанда жасатқан.
Талқылау