БҚО-да ер адам өзінің 3 ауылдасын өлтіріп, үйін өртеп жіберген

БҚО-да үйлердің бірінде өрт шығып, артынша 3 мәйіт табылды. Көз жұмған адамдардың денесінде қинап өлтіру белгілері болған.

Бұл туралы «Мой ГОРОД» порталына сілтеме жасап Stan.kz хабарлайды.

Оқиға 21 желтоқсанда Теректі ауданының Федоровка аулында орын алған. Ер адам өзінің 3 ауылдасын өлтіріп, артынша үйді өртеп жіберген.

«Шұғыл-іздестіру шараларының нәтижесінде, Теректі аудандық полиция бөлімшесінің қызметкерлері БҚО полиция департаменті қызметкерлерімен берлессіп, аса ауыр қылмыс жасады деп күдіктелген 45 жастағы ер адамды анықтап, ұстады», – дейді полиция департаментіндегілер.

Оқиға орнына келген өрт сөндірушілердің мәліметінше, өрт шыққан үйден 3 мәйіт табылған. Олар 50 жастағы ер адам мен 63 және 68 жастағы әйелдер екен.

Аталған факті бойынша ҚР ҚК 99-бабы 2-тармағына (Кісі өлтіру) сәйкес сотқа дейінгі тергеу амалдары басталды.