Біреудің өмірін құтқару: Астанада белсенділер уақытша баспана тұрғындарына иіс газы датчиктерін таратып жүр

Астаналық белсенділер уақытша баспанада жан бағып отырған тұрғындарға иіс газы датчиктерін таратуда. Олар қайғылы жағдай орын алған ықшам ауданға барып, үй-үйді аралады, деп хабарлайды Stan.kz.

Бұл туралы Санжар есімді желі қолданушысы Facebook желісінде айтты.

Елордалық белсенділер таяуда қайғылы оқиға орын алып, 5 бала көз жұмған ықшам аудандағы уақытша баспаналарды аралаған.

«Пеш жұмыстары бойынша мамандар пештің, мұржаның жағдайын бағалап, тұрғындарға тегін кеңес берді. Сонымен қатар ақауларды қолдан келгенше жөндеп берді. Сондай-ақ, біз газ шыққанынан белгі беретін түтін датчигі мен газбен дабыл бергішін орнаттық», – деп жазды ол.

Сонымен қатар белсенді уақытша баспаналардағы пештердің өте нашар күйде екенін атап өтті. Айтуынша, пеш дұрыс тартпайды және бүкіл жері тесілген.

Stan.kz сайтын Telegram арқылы оқыңыз. Арнамызға жазылыңыз.